Water Storage in the Dam | नगर : राज्यातील विविध धरणांमध्ये सुमारे ६५३.६३ टीएमसी पाणीसाठा (Water Storage in the Dam) उपलब्ध असल्याची माहिती आज झालेल्या राज्य मंत्रिमंडळाच्या बैठकीत देण्यात आली. गतवर्षीच्या तुलनेत यंदा १०१.७७ टीएमसी पाणीसाठा अधिकचा आहे. गतवर्षी हा साठा ५५१.८६ टीएमसी होता. मात्र यंदा एल निनोच्या प्रभावामुळे पावसाच्या अनियमतेतमुळे पुढील वर्षी टंचाईचा मुकाबला करता यावा, यासाठी पाणी जपून वापरा, असे आवाहन मुख्यमंत्री देवेंद्र फडणवीस (Devendra Fadnavis) यांनी केले.
हे वाचा – आमदार लहामटे कुपोषित बालके घेणार दत्तक; दुर्गम भागातील बालकांच्या आरोग्यासाठी पुढाकार
एल-निनो प्रभावामुळे संभाव्य परिणामांची माहिती दिली (Water Storage in the Dam)
जलसंपदा विभागाचे अतिरिक्त मुख्य सचिव दीपक कपूर यांनी सादरीकरणाद्वारे राज्यातील सर्व धरणांतील पाणीसाठा आणि एल-निनो प्रभावामुळे संभाव्य परिणामांची माहिती दिली. एल-निनोच्या प्रभावामुळे पाणीसाठ्यात २०१४ मध्ये १२ टक्के तर २०१५ मध्ये सुमारे १४ टक्के घट झाली होती. त्यामुळे दोन्ही वर्षी पाणीटंचाई निर्माण झाली होती. १५ ऑक्टोबर २०१४ रोजी ८७२ टीएमसी तर याच दिवशी २०१५ ला ६२५ टीएमसी पाणीसाठा होता. त्या तुलनेत २०२५ मध्ये १५ ऑक्टोबरला १३३०.९७ टीएमसी पाणीसाठा होता. हा पाणीसाठा २१ एप्रिल २०२६ रोजी ६५३.६३ टीएमसी आहे. गतवर्षीच्या गेल्या वर्षीच्या तुलनेत यंदा सुमारे १०१.७७ टीएससी पाणीसाठा अधिकचा आहे. यावर राज्यातील पाणीसाठ्याचे काटेकोर नियोजन करून ऑगस्ट २०२६ अखेर पिण्यासाठी पाणी उपलब्ध राहण्याच्या दृष्टीने काटकसरीच्या उपायोजनांची अंमलबजावणी करावी, असे निर्देश मुख्यमंत्री देवेंद्र फडणवीस यांनी दिले.
नक्की पहा : शिवाजीराव कर्डिले यांचे जिव्हाळ्याचे गाव म्हणून मांजरसुंबा गावची ओळख – प्रियंका कर्डिले
पुरेसे पाणी उपलब्ध व्हावे (Water Storage in the Dam)
त्यासोबतच एल-निनोच्या प्रभावामुळे या वर्षी पाऊस कमी होण्याची शक्यता असल्याने पुढील वर्षी पुरेसे पाणी उपलब्ध व्हावे या दृष्टीने आतापासून पाण्याचा जपून वापर करण्याचे आवाहनही मुख्यमंत्री फडणवीस यांनी केले.
महसूल विभागनिहाय पाणीसाठा (कंसात धरण संख्या) यंदाचा उपयुक्त पाणीसाठा (टीएमसीमध्ये) (Water Storage in the Dam)
नागपूर – (३८७) ८०.७९
अमरावती – (२७६) ७३.७२
छत्रपती संभाजीनगर – (९२९) १२९.३७
नाशिक – (५३९) १०१.९६
पुणे – (७२४) २०६.५५
कोकण – (१७३) ६१.२४
एकूण – (३०२८) ६५३.६३
हे पहा – अक्षय कर्डिलेंच्या प्रचारासाठी मुख्यमंत्री देवेंद्र फडणवीस यांची जाहीर सभा
राज्यातील प्रमुख धरणांतील पाणीसाठा (Water Storage in the Dam)
यंदाचा उपयुक्त पाणीसाठा (टीएमसीमध्ये)
कोयना : ३३.६२
जायकवाडी : ४२.०३
उजनी : १३.३९
पेंच प्रकल्प समूह : २६.५७
इसापूर : २१.४५
भातसा : १५.७०
गोसीखुर्द : १४.३१
खडकवासला धरण समूह : ११.३२
मुळा : ९.५४
अप्पर वर्धा : १०.२१
अप्पर वैतरणा : ६.५२
भंडारदरा : ५.२५
